Nëse jeni tipi i personit që vuani dhe nuk mund t’i riktheheni rutinës së përditshme për javë të tëra pas një ndarje, duket se “fajin” e ka Astrologjia.
Ju mund të mos e kuptoni këtë, por mënyra se si e trajtoni përfundimin e një marrëdhënieje mund të ndikohet nga shenja juaj e zodiakut. Nëse jeni një shenjë e ndjeshme e Ujit, ndarjet kanë tendencë të ndikojnë më shumë tek ju dhe mund ta keni të vështirë të harroni.
Nga të gjitha shenjat e zodiakut, shenjat e ajrit dhe të zjarrit priren të marrin veten më shpejt – veçanërisht Binjakët. Sipas astrologes Elisa Robyn edhe pse ata mund të jenë të mirë në një marrëdhënie të përkushtuar, Binjakët në fakt kanë aftësinë të dallojnë kur diçka thjesht nuk funksionon. Meqenëse janë shumë logjikë, ata kanë më pak gjasa të besojnë në “Dashurinë e verbër” sesa disa nga shenjat më shpirtërore ose romantike. Për shkak të kësaj, ata priren të jenë më optimistë për të gjetur një tjetër person për t’u lidhur.
Veçanërisht janë tre shenja që e vuajnë më shumë një ndarje se shenjat e tjera.
- Gaforrja:
Gaforrja e drejtuar nga Hëna mund të jetë një shenjë shumë e ndjeshme që e ka të vështirë të heqë dorë nga e kaluara. Disa ditë do të jenë të mira dhe disa ditë të këqija për Gaforren, por ata vazhdimisht do të kujtojnë të kaluarën e tyre, duke u përpjekur të kthehen në atë vend ku mund t’i shprehin sërish dashurinë partnerit të tyre.
Gaforret ndihen më të kompletuar kur kanë një partner për të dhënë dashurinë e tyre. Nëse ata nuk kanë dikë për të cilin duhet të kujdesen, ata mund të ndihen paksa bosh. Gaforrja është thellësisht emocionale dhe do të duhet të gjejë mënyra të shëndetshme për t’u marrë me nxitësit emocionalë pas ndarjes. Sipas Garbis, gjetja e njerëzve të cilëve mund t’u drejtohen mund t’i ndihmojë ata të vazhdojnë përpara. “Gaforrja ka nevojë për mbështetje për t’u shëruar jo vetëm nga marrëdhënia e tyre aktuale, por edhe nga e kaluara. Ngrënia e ushqimit të shëndetshëm me njerëzit e dashur mund të jetë gjithashtu një ilaç i shkëlqyer për ta.
- Akrepi:
Akrepi intensiv dhe i vrullshëm drejtohet nga Plutoni, i cili ‘qeveris’ Shtëpinë e 8-të të Seksit, Vdekjes dhe Martesës. Ashtu si Gaforrja, akrepi kalon një kohë të vështirë pas ndarjes për shkak të natyrës thellësisht emocionale. “Kur Akrepi i përkushtohet marrëdhënies, ajo bëhet gjithçka e jetës së tyre”, thotë Garbis. Kur një marrëdhënie përfundon, ajo mund të shkatërrojë Akrepin dhe ndjenjën e tyre të brendshme të sigurisë, si dhe i bën ata të ftohtë akull. Ata mund ta gjejnë veten të fiksuar dhe ndoshta edhe duke komplotuar hakmarrje ndaj partnerit të tyre të mëparshëm.
Nëse Akrepi ndihet sikur i është bërë keq, pakënaqësia mund të rritet, duke i penguar ata të ecin përpara. Që ata të ecin përpara në një mënyrë të shëndetshme, Akrepi duhet t’i tregojë një të besuari se si ndihet, ose hidhërimi mund të bëhet shkatërrues. Akrepi mund të bjerë edhe në depresion dhe mund të humbasë në një det trishtimi. Akrepët kanë nevojë për dikë që t’i dëgjojë, në mënyrë që të mund të përballojnë emocionet e tyre.
- Peshqit:
Kur Peshqit e drejtuar nga Neptuni përjetojnë një ndarje, kjo mund t’i trishtojë ata deri në palcë. Peshqit vendosin gjithë zemrën dhe shpirtin e tyre në marrëdhënie, duke e bërë partnerin qendrën e botës së tyre që në fillim.
“Ashtu si shenjat e tjera të ujit, Peshqit dëshirojnë të bashkohen me partnerin e tyre dhe kur marrëdhënia e tyre dështon, ata ndjehen sikur kanë dështuar ” thotë astrologia Garbis. Për shkak të kësaj, ecja përpara është shpesh një luftë e gjatë. Peshqve iu pëlqen të jetojnë në botën e fantazisë që krijojnë në kokën e tyre, kështu që kur realiteti godet, godet fort.
Meqenëse Peshqit priren të humbasin veten në marrëdhënien e tyre, ecja përpara mund të kërkojë pak kohë vetëm dhe vetë-reflektim. “Peshqit që e barazojnë seksin me dashurinë mund të kenë nevojë të gjejnë mënyra për të kanalizuar energjinë e tyre seksuale dhe emocionale diku tjetër”.
Për Peshqit, largimi nga vetja për të ndihmuar një tjetër do t’i ndihmojë gjithashtu të gjejnë lehtësim nga dhimbja./TiboNews