Qeveria egjiptiane ka ndërtuar një qytet të ri në shkretëtirë, në përpjekje për t’i larguar njerëzit nga Kajroja e mbipopulluar. Por zbulimi i qendrës së re dhe xhamisë u kritikua në rrjetet sociale.
Kjo vjen në një kohë kur Egjipti po lufton me rritjen e çmimeve dhe inflacionin që shkon në pak më shumë se 30% në mars.
Ndërtimi i xhamisë kushtoi 800 milionë paund egjiptianë ose 25.9 milionë dollarë dhe është xhamia e dytë më e madhe në Afrikë.
Xhamia ka thyer tre rekorde botërore, përfshirë foltoren më të lartë në botë, me lartësi 16.6 m dhe të punuar me dorë nga llojet më të mira të drurit.
E dyta dhe e treta ishin për llambadarin kryesor të xhamisë, e cila është më e rënda në botë me peshë 24,300 kg dhe më e madhja, me një diametër prej 22 m dhe përfshin katër nivele.
Ceremonia e hapjes u ndoq nga presidenti Abdul Fattah al-Sisi, me mediat shtetërore që e përshkruan atë si “madhështi” e Egjiptit.
Por në rrjetet sociale pati kritika të ashpra. Egjipti po përballet me një krizë ekonomike të thelluar. Monedha e saj ka humbur gjysmën e vlerës së saj kundrejt dollarit gjatë vitit të kaluar, duke bërë që inflacioni të arrijë nivelin më të lartë në pesë vjet.
Vendi gjithashtu ka shitur asete shtetërore tek investitorët e Gjirit për të ndihmuar në mbylljen e një deficiti buxhetor në rritje.
Shumë njerëz shkruan në Twitter dhe Facebook duke kritikuar shpenzimet e bollshme në vendet fetare në këtë kohë kritike, pasi miliona egjiptianë luftojnë çdo ditë për të vënë ushqimin në tryezën e tyre. /Reporteri-Limit.al