Sot dhe nesër nuk do të ketë ndeshje të Kampionatit Botëror që po mbahet në Katar.
Tashmë, ky Botëror ka hyrë në fazat finale, teksa mbrëmë u mësua edhe çifti i dytë gjysmëfinal.
Të martën, në orë20:00, Kroacia do ta kërkojë finalen e dytë radhazi në Botëror.
Përballë do ta ketë Argjentinën e Leo Messit, i cili është i uritur ta fitojë Botërorin, në pjesëmarrjen e tij të fundit në këtë kompeticion.
Një ditë më vonë, të mërkurën nga ora 20:00, kampioni në fuqi, Franca do ta kërkojë finalen, por përballë do ta ketë befasinë e këtij Botërori, Marokun.