Ylli i Real Madridit, Karim Benzema është deklaruar pasi ndihmoi skuadrën të kualifikohet në çerekfinale të Ligës së Kampionëve.
Francezi shkëlqeu në “Santiago Bernabeu” me një het-trik për t’i ndihmuar “Los Blancos” të kalojnë në fazën tjetër, transmeton lajmi.net.
Pas ndeshjes, Benzema tha se Liga e Kampionëve është në ADN-në e Real Madridit dhe fituan falë fuqisë mendore.
“Real Madrid është gjallë. Liga e Kampionëve është ende në ADN-në tonë, ne fituam falë fuqisë mendore”.
“Gabimi i Donnarummas? Nuk ishte gabim nga Donnarumma, por ishte nga presioni i madh që vendosem”, deklaroi ai.
Ndërkohë, Real Madrid do e mësojë kundërshtarin e çerekfinales me 18 mars.