Bayern Munich ishte i vetmi klub kampion nga tetë kampionatet kryesore europiane që regjistroi fitim në sezonin 2020-21, ndërkohë që pandemia ka goditur futbollin europian, zbuloi një raport i KPMG Football Benchmark.
Raporti “European Champions Report” analizoi financat e kampionëve të Anglisë, Spanjës, Gjermanisë, Italisë, Francës, Holandës, Turqisë dhe Portugalisë.
Ndërkohë kampionët e Premier League angleze, Manchester City, ishin i vetmi klub që regjistruan rritje të të ardhurave krahasuar me sezonin e mëparshëm.
Manchester City regjistroi në total 644 milionë euro të ardhura, shifra më e lartë në mesin e tetë fituesve të kampionatit, duke përfshirë Bayern Munich, Atletico Madrid, Ajax, Sporting Lisbona, Lille, Inter Milan dhe Besiktas.
Të ardhurat e Manchester City, të ndihmuara nga çmimi në para, pasi arritën në finalen e Champions League dhe nga më shumë të ardhura nga të drejtat televizive, ishin 96 milionë euro më të larta se në sezonin 2019/20 dhe në 2018/19, sezoni i fundit para-Covid.
Fitimi i Bayern Munich pas taksave ishte 1.8 milionë euro.
Ndërkohë, kampionët e Serisë A, Inter Milan, regjistruan një humbje neto prej 245.6 milionë eurosh në sezonin 2020/21, humbja më e lartë e regjistruar ndonjëherë nga ndonjë klub italian.
Kampionët e Spanjës, Atletico Madrid, regjistruan një humbje neto prej 1.8 milionë eurosh në sezonin 2019/20, në 111.7 milionë euro në sezonin 2020/21.
Edhe pse të ardhurat e City janë rritur, klubi regjistroi 294 milionë euro shpenzime neto për transferime dhe ka ndër kostot më të larta të pagave në futboll (351,4 milionë paund në sezonin 2018/19). Kampionët anglezë kanë edhe vlerën më të lartë të skuadrës në treg në botë, në 1.237 miliardë euro, me Manchester United e Chelsea të vetmit klube që vlejnë më shumë se 1 miliard euro.
/ BBC & KPMG