Australia njoftoi të enjten një rritje të madhe të infeksioneve me koronavirus të nxitura nga varianti Omicron. Për pasojë shteti i goditur më rëndë, New South Wales, rivendosi në fuqi urdhrin për mbajtjen me detyrim të maskave në ambjente të mbyllura.
New South Wales regjistroi rreth 6 mijë infeksione të reja, përfshirë një vdekje, shifër kjo më e lartë se rreth 4 mijë të tilla të regjistrura një ditë më parë. Numri i infeksionet e reja në këtë shtet është pothuajse i njëjtë me numrin e infeksioneve të regjistruara në të gjithë vendin.
Autoritetet thanë se treguesit më problematikë nuk janë rastet e reja me koronavirus, por shifrat e të shtruarve në njësisë e kujdesit intensiv që mbingarkojnë spitalet.
Kthimi i kufizimeve të lidhura me COVID-in vetëm dy ditë para Krishtlindjeve ngadalëson planet e vendit për një rihapje të përhershme pas gati dy vitesh kufizime, që vendosen e hiqen, herë pas here, pavarësisht normave të larta të vaksinimit prej më shumë se 90%.
Një ditë më parë Kryeministri Scott Morrison refuzoi të ndërmarrë masa bllokuese apo për vendosje me detyrim të maskave për të gjithë vendin për të ngadalësuar përhapjen e variantin Omicron.