Kina ka miratuar një ligj arsimor që ka për qëllim të ulë presionin e detyrave të tepërta të shtëpisë dhe mësimit intensiv pas shkollës.
Detajet e plota të ligjit nuk janë publikuar ende, por raportet e mediave sugjerojnë se ai inkurajon prindërit të ushqejnë moralin, zhvillimin intelektual dhe zakonet sociale të fëmijëve të tyre.
Kina ndaloi në muajin gusht provimet me shkrim për fëmijët 6 dhe 7 vjeç. Zyrtarët paralajmëruan në atë kohë se shëndeti fizik dhe mendor i nxënësve po dëmtohej.
Prindërve iu kërkohet të sigurojnë që fëmijët e tyre të kenë kohë të arsyeshme për pushim, stërvitje dhe të mos kalojnë shumë kohë në internet.