Kleptokracia (hajnokracia) e Kosovёs ёshtё ngritur nё kёmbё kundёr vendimit tё qeverisё nё detyrё pёr kufizimin e lёvizjes, nё kuadёr tё masave pёr parandalimin e pёrhapjes sё COVID-19, duke e quajtur atё si antikushtetues, shkelje flagrante e tё drejtave tё njeriut, ndёrsa Albin Kurtin si xhelat dhe diktator. Na u shqetёsuakan pёr tё drejtat e njeriut ata qё dyshohen se i kanё duart e lyera me gjakun e Astrit Deharit; ata qё ditёn pёr diell, nё kundёrshtim me kushtetutёn dhe konventat ndёrkombёtare, i rrёmbyen 6 shtetas turq nё Kosovё, pёr t’ia dorёzuar autokratit Erdogan (nё kundёrshtim mё kёshillёn e Uashingtonit).
Vjosa Osmanin, e cila propozoi miratimin e njё ligji qё do tё rregullonte anёn procedurale, qё lidhet me tё drejtat e njeriut gjatё pandemisё, e quajtёn tradhёtare dhe shёrbёtore tё Kurtit.
Kёshilli pёr Mbrojtjen e Lirive dhe tё Drejtave tё Njeriut, nё Prishtinё, nё reagimin e vet ndaj masave tё fundit tё qeverisё, deklaroi se midis tё drejtёs sё lёvizjes dhe tё drejtёs sё jetёs, pёrparёsi absolute ka kjo e fundit.
Qeveria e Kosovёs nuk e ka luksin e zgjedhjes sё masave kundёr pandemisё. Nё kushtet e mungesёs kritike tё ekspertizёs mjekёsore (epidemiologё, mikrobiologё) dhe defiҫitit tё theksuar nё teknologji (mungesa e laboratorёve tё mikrobiologjisё molekulare) kufizimi i lёvizjёs sё njerёzve shihet si njё ndёr masat mё tё efektshme pёr tё parandaluar pёrhapjen e virusit.
Mbrojtja e jetёs sё ҫdo qytetari, mbi gjithҫka – kёtё po pёrpiqet tё bёjё qeveria nё detyrё e Albin Kurtit. Ndёrsa, kleptokracia po shtiret si “mbrojtёsja” e vёrtetё e tё drejtave tё njeriut, ndёrkohё qё qytetarёt e Kosovёs, pёr 20 vjet rresht, janё bindur pёr tё kundёrtёn – t’ua besosh te drejtat e njeriut hajnave tё babёzitur ёshtё njёlloj si t’ia varёsh ujkut mёlҫitё nё qafё.