Baresha ime,
Ti qё me zërin tënd na ngrohe si dielli tokёn
dhe rrezet e tua shqip folёn nё cdo stinё
Ti qё si zanё mali
na ngrite mbi kokё
ma t’madhen mburojё:
Traditёn tonё!
Sa herё i shoh vashat tek turren n’dashni
m’kujtohet kanga jote:
“O era lun me barin o nani nan
o eni shoqe t’lozim o nani nan…”
Dhe luj e knaqem me ma t’bukrёn kang’
ma t’fresktёn e ma t’dlirёn
atё tё natyrёs sё re
qё sjell shiun e shndrit qillin
pastron zemrat e shkёlqen jetёt
E ti, ma e madhja e pagarushave,
veҫ kёndo, kёndo e mos praj
se pёr ty kanga nuk ka tё ndal
Kurse unё, eh unё,
mbes pёrgjithnji fёmijё
nё djepin e ninullёs sate
nё jehonёn e majёplisit kreshtave
nё ҫdo skutё zemre e nё ҫdo grahmё jete
Se dashninё pёr Kosovёn
dashninё pёr vendin tim
ma s’pari i mёsova nga ti
Baresha ime…!
MigenaAr.
Gjk, 2018