Gzim Elez Çelaj nga Vuthajt e Plavë-Gucisë, me bashkëshorten e tij Ariana dhe fëmijët e tyre, qytetarë të New Yorkut në Amerikë, i dhuruan 20 mijë dollarë amerikanë (USD) për dy fëmijë jetimë në Durrës, Nadja e Faik Molla ngaSkrapari, të moshës 12 e 10 vjeçare, të cilët i humbën dy prindrite tyre, babën në një aksident në punë dhe nanën në një spital nëGjermani.
Këtë akt human Gzim Çelaj e bani nisur nga fisnikëriagenetike breznore e familjes së tij të madhe Çelaj dhe përshpirtin e vajzës së tij, Donikës 20 vjeçare, jeta e të cilës u shua nga një sëmundje atje në Amerikë.
Këtë shumë monetare humanitare, që Gzim Çelaj me Familje ia dedikon vajzës e motrës së tyre të ndjerë, Donikës, iadhanë Fondacionit “Shqiptarët për Shqiptarët” të udhëhequr ngaElvis Naçi në Shqipëri, duke e bá publike me zá e foto edhe nëTV News 24 në Tiranë.
Elvis Naçi duke pranuar donacionin e Gzim Çelajt me Familje, nder të tjera, theksoi: “…Edhe pse dhimbja juaj nuk poshuhet i dashur Gzim, ju po arrini të gëzoni dy fëmijët jetimë pa dy prindërit me këtë kontribut tuaj…”.
Fotot:
Gzim Çelaj me Familjen e tij në New York.
Donika Gzim Çelaj.
Monumenti i atdhetarit Isuf Kamer Çelaj në Vuthaj të Plavë-Gucisë.