Ursula von der Leyen u konfirmua në postin e presidentes së Komisionit Europian të martën, duke u bërë e para grua që mban një nga pozicionet më prestigjioze në Bashkimin Evropian.
Parlamenti evropian e miratoi emërimin e zonjës der Leyen me 383 vota pro, 327 kundër dhe 22 abstenime.
Konfirmimi kërkonte një shumicë absolute prej 374 votash dhe Ministrja gjermane e Mbrojtjes, mori vetëm nëntë vota më shumë se numri i nevojshëm.
Ajo u prezantua si kandidate nga udhëheqësit e Bashkimit Evropian, si pjesë e një pakete emërimesh, megjithatë duhet të miratohej edhe nga Parlamenti Evropian.
Zonja der Leyen, ishte kandidate e minutës së fundit dhe shumë anëtarë të parlamentit ishin të zemëruar që asnjë nga kandidatët e tyre të preferuar nuk u zgjodh.
Para votimit, anëtarët e parlamentit të Bashkimit Evropian nuk kishin kundërshtuar aq shumë personalisht kandidaturën e zonjës der Leyen, sesa kishin shprehur pakënaqësinë që ishin anashkaliar në procesin e emërimit. Kandidatët e tyre për postin, që mendohet të jetë posti më i rëndësishëm, u hodhën të gjithë poshtë nga udhëheqësit e BE-së.