Qemal Lepeniva kindi në vitin 1927 në Lepenicë. Në moshën 15 vjeçare u rendit në çetën “Shqiponja” të Hysni Lepenicës dhe luftoi kundër pushtuesit të huaj. Pas çlirimit shërbeu si mësues dhe në vitin 1950 u arratis nga Shqipëria. Vdiq në Nju Xhersi të SHBA më 5 shkurt 2018.
Që në moshën 7 vjeçare,
I mbetur jetim nga nëna,
Përmbi supe hodhi halle,
E zunë halle të rënda.
Luftë për shkollë e luftë për dije,
Luftë me armë kundër armikut,
Qemal Lepenica s’jepet,
Para zjarrit dhe rrezikut.
Merr pjesë në çetën “Shqiponja”,
Në moshë fare të re,
Në Gjorm e në Drashovicë,
Çau përpara si rrufe.
Mbaroi shkollë tregëtare,
Po mëndjen e kish në fshat,
Atje çetat partizane,
Vranë e prenë e bënë fesat.
Vrau xhaxhan mizoria,
Xhelal Hoxhën e shkretë,
Tym e flakë mori shtëpia,
Zjarri ngjitej gjer te retë.
Djemtë e lepeniciote,
Sa drama u pa syri,
Të zgjuar e patriot,
Nga baba ngjante i biri.
U bë fshati kasapanë,
Pellgjet e gjakut s’u thanë,
Sa u prenë e sa u vranë,
Sa të tjerë muar dynjanë.
Edhe Qemal Lepenica,
E kaloi kufinë një ditë,
Me luftë e me sakrifica,
Arriti në Amerikë.
U shkollua u martua,
U bë dhëndërr kosovar,
Nacionalist i tërbuar,
Pjesë e Ballit Kombëtar.
Për të fali pasurinë,
Pasurinë dhe diturinë,
Se e deshi Shqipërinë,
Nuse të bukur me sqimë.
Dhe familjen që ndërtoi,
E gëzuan, i gëzoi,
I rriti dhe i shkolloi,
Dhe i la në pararojë.
Jetë të trazuar jetoi,
Por betejat i fitoi,
Me guxim e me përpjekje,
Që nga lindja gjer në vdekje.
S h ë n i m:
Pasi lexova monografinë e mikut tim të nderuar, historianit Enver Memishaj, alias Lepenica, mëndja dhe dora hartuan këto vargje për martirin e heshtur Qemal Lepenica, të cilit më 6 nëntor 1943, forcat partizane i dogjën shtëpinë dhe i vranë xhaxhanë si udhëheqës i Ballit Kombëtar. Autori këtij libri historiani talentuar dhe i pa lodhur i cili që nga viti 1990 punon, studion, gërmon dhe boton dhe i gjën djemtë e nënave që i përzuri diktatura komuniste e i shpuri në fund të botës. Ky është një mision sa fisnik aq edhe human që i vendos burrat e këtij dheu në vendin që u takon.
Urime e suksese, autorit të botimit të 20 librave të vlerësuar, të fushës së historisë.