Apple mund të jetë duke planifikuar zëvendësimin e të gjitha fishave aktuale të karikimit në ato të llojit USB-C port, duke i nxjerrë të pavlefshme ato ekzistente.
Një raport thotë se gjigandi i teknologjisë është duke diskutuar rreth zhvendosjes nga fishat aktuale të karikimit në ato USB-C port. Apple ka bërë një zhvendosje tashmë në fishat USB-C për iPad Pro.
Ndryshimi, nëse zbatohet, do t’i bënte të gjithë karikuesit e tanishëm të Apple për iPhonët e ardhshëm të padobishëm. Nëse diçka e tillë ndodh, do të bënte të mundur që e njëjta fishë e karikuesit të përdoret njësoj edhe për pajisjet Apple dhe Android. Karikuesit Apple shesin përafërsisht 25 dollarë një fishë origjinale të Apple dhe versionet e kopjimit janë gjithashtu në dispozicion për shumë më pak.
USB-C është karikuesi më i fundit për shumë laptopë dhe telefona android dhe aktualisht përdoret nga Samsung Galaxy S9, Google Pixel 2 dhe OnePlus 6. Projekti i fundit i iPad Pro gjithashtu ka këtë karikues të ri. USB-C u lançua në vitin 2014 dhe është përdorur për karikimin e shumë pajisjeve të reja. Karikuesit dhe fishat ekzistuese do të jenë të papërputhshme nëse ndryshimi do të bëhet. Por gjatë këtij viti Apple ka hasur edhe shumë probleme në lidhje me shitjet por edhe me pajisjet vetë.
CEO Tim Cook u tha punonjësve në një takim se firma kishte zëvendësuar në mënyrë drastike më shumë bateri se zakonisht në vitin 2018. Gjatë një viti normal, Apple planifikon të zëvendësojë rreth 1 deri 2 milionë bateri, tha Cook gjatë takimit. Muajin e kaluar, Apple lëshoi paralajmërimin e parë të të ardhurave në gati 12 vjet, duke dërguar aksionet e saj poshtë 10 përqind, rënia e tyre më e madhe brenda ditës në gjashtë vjet.
Ky parashikim i rrallë priste zvogëlimin e dukshëm të kërkesës së iPhone në Kinë, tregut më të madh të smartfonëve në botë. Apple planifikon të lançojë tre modele të iPhone këtë vit me disa tipare të reja të kamerës, duke përfshirë tre kamera të pasme për modelin më të shtrenjtë dhe dy për modelet e tjera.