E mërkurë, 18 nëntor 2026

Rubrikat

Mbështet Limit.al

“ELKOS” shet produkte serbe në Kosovë me mbishkrimin “Kosovë e Metohi”

Në tregun vendor mund të gjesh produkte, në deklaracionin e të cilave shkruan “Kosovo i Metohija”.

Produkti në fjalë është detergjent për gardërobë dhe në treg del me disa lloje, raporton KTV.

Kompania prodhuese e detergjentit është nga shteti i Serbisë, ndërsa kompania importuese është kosovare.

Disa nga konsumatorët tregojnë se gjatë blerjes së produkteve kujdesen për vendin e origjinës, ndërsa disa të tjerë vetëm për datën e skadimit.

Në Ministrinë e Tregtisë, zëdhënësi Elhami Ismajli ka treguar se, pas njoftimit nga KTV-ja, kompanisë importuese dhe bizneseve u janë dërguar inspektorët.

Por, Ismajli nuk ka treguar nëse inspektorët e tregut kanë hasur më herët në treg produkte në deklaracionin e të cilave prodhuesit i drejtohen Kosovës si pjesë e Metohisë.

E njëjta formë e dedikimit nuk është shkruar edhe në dokumentet që paraqiten në Doganën e Kosovës.

Drejtori i Doganës, Bahri Berisha, ka treguar se ka raste kur, gjatë procesit të importit, në dokumentet e produkteve shkruhet “Kosovë dhe Metohi”, apo rezoluta 1244, por që janë të rralla.

Kompanitë që kanë përdorur këto terme nëpër dokumente janë me prejardhje nga Serbia, Bosnjë e Hecegovina dhe Greqia.

Berisha tregon se nuk është përgjegjësi e doganës kontrolli i deklaracioneve, në rast se produktet janë të mbyllura gjatë paketimit.

Kjo formë e deklaracionit bie në kundërshtim direkt me kushtetutën e vendit.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota