Arkeologët në Meksikë kanë zbuluar një tunel misterioz dhe një dhomë nën Piramidën e Hënës në qytetin e lashtë të Teotihuacan.
Me një diametër prej 49 këmbësh, dhoma mund të jetë një hapësirë rituale që është përdorur për funeralet, sipas ekspertëve. Dhoma e fshehur dhe tuneli i saj mund të lidhen me konceptin e kulturës së lashtë të botës së nëndheshme.
Dhoma dhe tuneli u zbuluan duke përdorur teknologjinë e rezistencës elektrike në Verën e 2017-ës, por rezultatet e studimit të arkeologëve sapo janë publikuar.
Skelete njerëzore janë gjetur në tunelet e tjera të gërmuara në Piramidën e Hënës, duke nxitur spekulime se mbetje të ngjashme mund të jenë brenda tunelit të sapo zbuluar.
Tuneli, i cili shkon në pjesën jugore të Pallatit të Hënës të Teotihuacan, është zbulimi i fundit interesant për të hedhur dritë të re mbi historinë e lashtë të Meksikës. Për shembull, një maskë e lashtë që përshkruante një mbret Maya të shekullit të shtatë, u zbulua në Meksikën jugore.
Zona ishte dikur epiqendra e qytetit aztec të Tenochtitlan – një vend i tmerrshëm ku u bënë sakrificat njerëzore për të nderuar perënditë.