A e dini se mesatarja e internetit të konsumuar për çdo përdorues aktiv të një numri celular në tremujorin e dytë të këtij viti ishte e barabartë me dërgimin e 3 mijë emaileve apo navigimin pa ndërprerje për 60 orë? Të dhënat e fundit të AKEP tregojnë se në periudhën prill-qershor të këtij viti mestatarisht çdo shqiptar konsumoi 2.85 Gigabajt internet që përkon pikërisht me treguesit e mësipërm ndëkrohë që në rritje ishte edhe sasia e minutave të shpenzuara për të komunikuar nga celulari si dhe numri i mesazheve.
Në raport me një vit më parë në tremujorin e dytë të 2018 ka pasur një rënie të kohës së komunikimit përmes një aparati celuar si dhe të numrit të mesazheve ndëkrohë që krejt e kundërta ka ndodhur me internetin që është rritur gati 50 për qind.
Sipas AKEP totali thirrjeve dalëse të gjeneruara nga pajtimtarët celularë në Shqipëri në T2 2018 ishte rreth 1.6 miliardë minuta, me një rritje prej 2.1 % në krahasim me tremujorin paraardhës dhe me një rënie prej 8.4% me të T2 2017.
“Sasia e trafikut data (Internet) në rrjetet celuare gjatë T2 2018 ishte rreth 15 Milion GByte. Një përdorues aktiv i aksesit broadband celular ka përdorur 2.85 GB Internet në muaj në T2 2018, që përbën një rritje me 7.2% në krahasim me T1 2018 dhe një rritje 46.2% krahasuar me T2 2017. Konsumi mesatar mujor për përdorues aktiv i shërbimeve celulare gjatë T2 2018 ishte: 197 minuta dalëse, 40 SMS dhe 2.85 GB Internet. Krahasuar me T1 2018, konsumi mesatar i thirrjeve pati një rritje me 8.6 %, konsumi mesatar i SMS-ve dhe konsumi mesatar i internetit pati rritje respektivisht me 6.6 % dhe me 7.2 %” thuhet në raportin e AKEP ku jepen statistikat për periudhën prill-qershor.
Interesi në rritje për internetin shihet edhe nga mundësimi i tij përmes rrjetit të telefonisë fikse. Të dhënat zyrtare tegojnë se numri i pajtimtarëve më akses Broadband në internet nga rrjete fikse në T2 2018 arriti në rreth 320 mijë, që përbën një rritje me 2.1% në krahasim me tremujorin e mëparshëm dhe një rritje me rreth 14.8% në krahasim me të njëtin tremujor në vitin 2017.