Motiv kurbeti nga Namik Selmani
Mos e patë ju, rron apo nuk rron
Ndonjë lajm a ndonjë letër
vallë a më kujton, vallë a më kujton
“Vajzë e Valëve”
Vjen gjemija përtej detesh
Është vuvë, dhogëtharë.
Vajzë e Valave ç’po më tretesh
Thinjëruar nga një mall.
Shpirti ndahet copë-copë
Gurin-o ç’e ndez vullkani.
Vajzë e thinjur ç’po kërkon
Ku është vyshkur jargavani?
I sheh dallgët, thuron ëndrrën
Regëtin një qiri malli
O ti zog, sot merrma këngën
Bëje zjarr për pisha mali!
Kërkon lulja hoje blete
Të mbushë hojet tërë mjaltë.
Se pa trimit thahet jeta
Verbon syri për të parë.
Shpirti bëhet si zgalem
Shkon e vjen e dera s’hapet.
Kënga mbytet thellë në det
Lot i nxehtë zbret te faqet.
Ku janë zogjtë të puthin çerdhet
Krahëlodhur nga tufane.
Lart në qiell hëna tretet
Zbardh ca krahë pulëbardhe.
Boston, më 31 korrik 2018