Nga Rudi BERISHA – Prishtinë
Tani lufta iku në shtigjet e saj
Është varrosur me pelhurën e zezë
E ne sot kokën duam t’i ham njeri-tjetrit
Jeta është e rënd dhe ne te ka plot mizori
Dikur jetonim të varfër por me dashuri
Në atë botë kemi buzëqeshur e jemi gëzuar
Sot lakmia për pushtet është rritur shumë
Dëshira e madhe për të luajtur të ,, fortin ’’
Mjerimi është shtuar thua në çdo shtëpi
Të pasur janë ata qe vinë nga dje të varfër
Të mbushur lekë janë ata që punojnë në shtet
Pa biznese miloner e miloner janë ca politikanë
Populli nuk ka të drejt të fjalës se tij në jetë
Përditë puntorët në vend të punës po vdesin
Nuk zbatohet ligji këtu nga dora e shtetit tonë
Jemi mbetur në dorën e Zotit e të fatit në atdhe
Çuna të ri të mbuluar me mbulesën e bardhë
Nëna duke pritur bukë nga djersa e tyre në shpi
Ata i kthen gruas të vdekur për një copë bukë
Varri mbulohet me lule të mjerimit këtu tek ne
Nëse ju jeni mirë nuk është mirë populli
Degët e lisit janë thyer nga padrejtësia
Shqiponja po rri e heshtur atje mbi kodra
Dielli ka sot dhimbje nga plagët tona
Nëse sot e luan rrolin e një të ,, forti’’
Nesër do jesh ushqim për krimba në dhe
Mos u shitë ai qe nuk ishe e nuk je në jetë
Nga një i paditur ke zënë vend në shtet
Lotët e popullit peshojnë rënd sa gurët
Plagët e popullit do ju dënojnë gjatë jetës
Korbat e zi të egër do jenë mbi kokën tuaj
Varri po hapet për lule me aromë në liri
Prishtinë, 21 qershor 2018