Përbërësit:
8 patëllxhanë
100 g sardele në vaj
60 g ullinj të zinj
kaparinë
1 qepë
1 tufë majdanoz
hudhra
tul buke
1 vezë
pure domatesh
vaj
peksinadhe
kripë
piper
Përgatitja:
Priten patëllxhanët përgjysmë në gjatësi, u hiqet tuli dhe zihen për 4-5 minuta në ujë me kripë; kullohen dhe lihen mënjanë të ftohen.
Grihen hudhrat dhe hidhen të skuqen në vaj, shtohen qepët e grira hollë dhe më pas tuli i patëllxhanëve i grirë; gatuhen kështu për 10 minuta dhe hiqen nga zjarri.
Bashkohen me to sardelet e copëtuara, gjysma e ullinjve pa bërthama, kaparina, majdanozi i grirë hollë, tuli i bukës i njomur në qumësht, veza, pureja e domateve, kripa e piperi.
Me këtë përzierje mbushen patëllxhanët, spërkaten sipër me pak vaj e peksimadhe dhe futen në furrën e nxehur më parë në 180° të piqen për 30 minuta. Kur të jenë gati zbukurohen me ullinjtë e mbetur.